É moi sinxelo. Para traxectos sinxelos, nos que xa coñezas como chegar ao teu destino, poderás seleccionar e reservar de xeito rápido os transportes dispoñibles preto de ti.

Para viaxes máis complexas ou de máis distancia, só tes que utilizar o buscador e indicar orixe, destino, data, hora e preferencias de transporte da túa viaxe. En poucos segundos, terás as rutas que mellor encaixan con eses criterios. Cando selecciones unha, poderás elixir tarifas, transportes e provedores que mellor che conveñan. Ao realizar o pagamento poderás revisar a túa planificación para consultar en todo momento os tempos, reservas e billetes adquiridos. O día da viaxe terás á man toda a información paso a paso para guiarte en cada traxecto ata o teu destino.