Sartzeko eta Erabiltzeko Baldintzak eta zehaztapenak

1. Xedea

Dokumentu honek, bertan aipatzen diren dokumentu guztiekin batera, besteak beste, Pribatutasun-politikak, aplikazioaren pribatutasun politika eta Cookie-politikak (aurrerantzean, denak batera, "Baldintzak"), dōcō plataformaren bidez edozein produktu eta/edo zerbitzu eskuratzeko, erabiltzeko eta kontratatzeko zehaztapen eta baldintzak ezartzen ditu, plataformaren bertsioa edozein bada ere, hau da, webgunean eta/edo mugikorreko aplikazioa (aurrerantzean, “Plataforma”); horien jabea da ENTIDAD PÚBLICA EMPRESARIAL RENFE-OPERADORA. (aurrerantzean, "Konpainia")

Plataformara sartzeak eta/edo hori erabiltzeak berarekin dakar Baldintzak berariaz onartzen dituzula; beraz, aldez aurretik irakurri behar dituzu, eta horiekin ados ez bazaude, ez zenuke Plataformara sartu eta hori erabili beharko, ez eta horren bidez eskura dauden zerbitzuak ere.

Konpainiak noiznahi alda ditzake Baldintzak, aldez aurretik jakinarazi gabe, unean-unean indarrean dagoen legediari, jurisprudentzia-aldaketei eta merkatuko ohiko jardunbideei egokitzeko. Plataformara sartzeak eta/edo hori erabiltzeak berarekin dakar Plataforman argitaratutako bertsioko Baldintzak espresuki onartzen dituzula. Egindako aldaketek ez dute atzera eraginik izango.

Plataformaren bidez, hirugarrenen eduki eta zerbitzuak eskuratu ahal izango dituzu puntutik punturako bidaia-sistema baten bidez, jatorritik helmugarako bidaia baten programazioaren eta kudeaketaren fase guztiak estalita, hau da: Bilaketa, planifikazioa, erosketa, segimendua, ezeztapena eta fakturatzea, eta 3-11 atalean adierazitako moduan zerbitzuak eskuratzea eta horiek erabiltzea.

2. Plataformaren titularraren datuak

• Sozietatearen izena: ENTIDAD PÚBLICA EMPRESARIAL RENFE-OPERADORA

• I.F.Z.: Q-2801659J

• Sozietatearen helbidea: Avda. Pío XII, 110. 28036, Madrid

• Telefonoa/Faxa: 91 300 73 36

3. Plataformaren sarbidea eta erabilera

3.1. Plataformaren erabiltzaileak: Erabiltzailea eta Erabiltzaile Erregistratua

Plataformara sartzeak erabiltzaile izaera dakar (“Erabiltzailea”).

Plataformak dituen Zerbitzu guztietara sartzeko eta horiek erabiltzeko, kontu bat sortu beharra dago (aurrerantzean, “Kontua”); Kontu horrek erabiltzaileak sartuko duen erabiltzailea eta pasahitz pertsonala izango du. Kontua sortzeak erabiltzaile erregistratuaren izaera dakar (“Erabiltzaile Erregistratua”). Kontua egiteko gutxienez 16 urte izan behar ditu.

Erabiltzaile Erregistratua ez diren Erabiltzaileek Plataformarako sarbide mugatua izango dute, eta ezin izango dituzte Plataformaren funtzionalitate guztiak eskuratu edo Plataformako Hirugarrenen Zerbitzuak kontratatu.

Baldintzen ondorioetarako, Erabiltzaileari eta Erabiltzaile erregistratuari “Plataformaren Erabiltzaileak” deritze.

3.1.1. Erabiltzailearen alta

Erabiltzailearen erregistroa eta Kontuaren sorrera prozedura honi jarraituz egin beharko da (aurrerantzean, “Erabiltzailearen alta”):

1. Aplikaziora edo webgunera sartzean, cookieak eta SDKk onartu beharko dira edo, hala badagokio, horiek konfiguratu. Informazio gehiago nahi izanez gero, kontsultatu dōcō-ren Cookie-politika.

2. Bigarrenik, onartu egingo dira Baldintza eta zehaztapen hauek, baita dōcō-ren Pribatutasun-politikak ere.

3. Erabiltzailea erregistratzeko eta Kontua sortzeko hurrengo pausoan erregistroa egiteko erabili nahi duzun helbide elektronikoa eman beharko duzu.

4. Ondoren, helbide elektronikoa egiaztatuko da, Erabiltzaileak adierazitako helbidean jasotako kode bat aplikazioan/webgunean sartuta.

5. Helbide elektronikoa egiaztatu ondoren, pasahitz sendoa sortuko da, gutxienez 8 karakterekoa eta gehienez 16koa; halaber, gutxienez maiuskula bat, minuskula bat, zenbaki bat eta karaktere berezi bat izango ditu.

6. Hurrengo urratsean izen-deiturak, NAN/AIZ/pasaportea (plataforman bakarra), telefono mugikorraren zenbakia eta jaioteguna sartuko dira. Ez duzu zure adina eman beharko 16 urte baino gehiago dituzula baieztatzen baduzu.

7. Azkenik, Erabiltzailearen interesen arabera garraioaren lehentasunak konfiguratuko dira. Horiek noiznahi aldatu ahalko dira.

Erabiltzailearen Alta bukatutakoan, Erabiltzaile Erregistratu bihurtuko da, eta Hirugarrenen Zerbitzu guztietara (zerbitzuak dira Baldintza hauetako 4. atalean deskribatzen direnak) eta Plataformako funtzionalitateetara sartzeko aukera izango du.

Erabiltzaile Erregistratua zarela, informazio pertsonal jakin bat emango diozu Konpainiari; besteak beste, zure izena, helbidea, helbide elektronikoa, telefono mugikorraren zenbakia eta, hala badagokio, baliozko ordainbide bat (kreditu-txartela edo ordainketa-bazkide onartua). Erabiltzaile Erregistratuak konpromisoa hartzen du Kontuan informazioa zehatza, osoa eta eguneratua edukitzeko. Bestela, Erabiltzaileak ezin izango ditu Zerbitzuak eskuratu eta erabili, eta Konpainiak Erabiltzailearen Erregistroa eta Kontua aldi baterako eta/edo behin betiko eten ahal izango ditu. Erabiltzaile Erregistratua arduraduna da bere Kontuan gertatzen den jarduera guztiaz, eta bere Kontuko erabiltzaile-izena eta pasahitza une oro seguru eta isilpean gordetzeko konpromisoa hartzen du. Konpainiak kontrakoa idatziz baimentzen duenean salbu, Erabiltzaileak soilik Erabiltzailearen Alta bakarra egin eta Kontu bakarra izan ahalko du.

Erabiltzaile Erregistratuak Erabiltzailearen Altan emandako informazio pertsonala aldatu eta konfiguratu ahal izango du, eta informazio berria gehitu, Plataformako “NirePprofila” atalaren bidez.

Asteko 7 egunetan eta eguneko 24 orduetan sartu ahal izango duzu Kontuan, ezinbesteko kasuetan, zailtasun tekniko edo informatikoak direnean edo Konpainiaren borondatearekin zerikusirik ez duten telekomunikazioekin lotutako zailtasunak daudenean izan ezik. Halaber, Konpainiak Konturako sarbidea eteteko eskubidea du, edozein arrazoi dela ere.

3.1.2. Erabiltzaile Erregistratuaren baja

Erabiltzaile Erregistratuak Plataforma behin betiko erabiltzeari utzi nahi badio, Plataformaren baja eskatu beharko du, prozedura honi jarraituz (aurrerantzean, “Erabiltzailearen Baja”):

1. Sartu Plataformaren “Profila” atalean.

2. Sartu “Editatu Datu Pertsonalak” aukerara, "Profila" atalean.

3. Atal honetatik, Erabiltzaile Erregistratuak baja egin dezake, horretarako gaitutako funtzioa berretsiz.

Baja eskatu eta 48 ordura bideratuko da Erabiltzailearen Baja. 48 ordu horietan, Eerabiltzaileak atzera egin ahal izango du eta Kontua berriro aktibatzea eskatu, horretarako jarritako kanalen bidez (txata, posta elektronikoa eta formularioa). 48 orduko epea amaitutakoan, kontua blokeatu egingo da eta ezin izango da berreskuratu.

Plataforman berriro jardun nahi izanez gero, Erabiltzailearen Alta berri bat egin beharko du Erabiltzaileak.

3.2. Plataforman sartzeko lizentzia

Baldintzak betez gero, Konpainiak erabilera mugatuko eskubidea ematen die Plataformaren Erabiltzaileei. Eskubide hori ez da esklusiboa, ezin da horren azpi-lizentziarik eman eta ezeztagarria eta besterenezina da, eta honetarako emango da: (i) Plataformara sartzeko eta hori erabiltzeko, bere gailu pertsonala erabiliz, eta (ii) Plataformaren bidez bere eskura jar daitekeen edozein eduki, informazio eta material eskuratzeko eta erabiltzeko, kasu bakoitzean, erabilera pertsonalerako soilik, eta ez merkataritza-erabilerarako.

3.3. Plataformaren Erabiltzaileen adierazpenak

Plataformaren Erabiltzaileak honako hau ulertu eta onartuko du:

1. Konpainiak ez du garraio-zerbitzurik emango edo ez du garraio-enpresa gisa funtzionatuko; garraio-zerbitzu horiek, edozein modalitatetan, hirugarren independenteek (“Hirugarrenek”) emango dituztelarik, ez dira Konpainiaren langileak eta konpainiarekiko modu independentean jardungo dute.

2. Plataformaren eta haren bidez eskuragarri dauden edukietara eta/edo Zerbitzuetara sartzea eta horiek erabiltzea, erabiltzailearen arrisku eta/edo erantzukizunaren pean egingo da, eta, betiere, Baldintzak betez.

3. Plataformara eta Zerbitzuetara sartzeko behar den datu-sarerako sarbidea eskuratzeko arduradun bakarra da, eta sarbide-sareak erabiltzeagatik ordaindu beharreko tarifa eta tasen arduraduna izango da. Orobat, Plataformara eta Zerbitzuetara sartzeko (edo horien edozein eguneraketa egiteko) hardware bateragarria edo behar diren gailuak erosi eta eguneratzeko arduradun bakarra da.

4. Konpainiak ez du bermatzen Plataformaren eta Zerbitzuen bateragarritasuna edozein hardware edo gailu partikularrekin.

5. Plataformaren eta Zerbitzuen sarbidean eta erabileran disfuntzioak edo atzerapenak jazo ahalko dira, interneten eta komunikazio elektronikoen erabileraren ondoriozkoak.

6. Zerbitzuak hirugarrenen pribatutasun-baldintzen eta -politiken mende daude. Hirugarren onuradun horiek ez dira kontratu honen parte

7. Aitortzen du Zerbitzuak eskuratu eta erabiltzeko Hirugarrenek eskatzen dituzten baldintza guztiak betetzen dituela eta, horiek kontratatu aurretik, Zerbitzuak emateko baldintzak eta zehaztapenak onartu dituela.

8. Aitortzen du 16 urte baino gehiago dituzula eta kontratuak sinatu eta Zerbitzuak erabiltzeko legezko gaitasuna duela.

9. Kasu batzuetan, Zerbitzuak eskuratu edo erabiltzeko baliteke nortasun agiri bat edo nortasuna egiaztatzeko beste elementu bat aurkeztu behar izatea. Erabiltzaile Erregistratuak onartzen du Zerbitzuen sarbidea edo erabilera ukatu ahal izango zaiola, baldin eta informazio hori emateari uko egiten badio eta/edo horrek identitatea behar bezala egiaztatzen ez badu.

10. Plataforma eta Zerbitzuak eta horiei dagozkien eskubide guztiak Konpainiaren edo haren lizentziadunen jabetzakoak dira, eta horrela izango da etorkizunean. Baldintzek eta Zerbitzuen erabilerak ez diete hauetarako inolako eskubiderik emango Plataformaren Erabiltzaileei: (i) Plataformarako eta Zerbitzuetarako eskubiderik, edo haiei buruzkoak, Plataformara sartzeko eskubidea izan ezik, aurreko 3.2 atalean adierazitakoaren arabera; (ii) izen komertzialak, izen sozialak, logotipoak, produktu- eta zerbitzu-izenak, marka komertzialak edo Konpainiaren edo haren lizentziadunen zerbitzu-markak erabiltzeko eskubiderik, edozein modutan eta edozein euskarritan.

11. Zerbitzuen prezioa ordaintzera behartuta dago, Baldintzetan ezarritako moduan.

12. Plataforma eta haren eduki eta Zerbitzu guztiak erabiltzera behartuta dago, unean-unean aplikagarri den araudiaren, moralaren eta ordena zibilaren arabera. Horrez gain, uneoro bete beharko du Baldintza hauetan eta dokumentu honen bidez edo Plataformaren edukietako beste edozein tokiren bidez jakinarazitako beste edozein ohar edo jarraibidetan ezarritakoa, eta bizikidetzari, errespetuari, moralari eta oro har onartutako ohitura onei buruzko arauak bete beharko ditu.

13. Konpromisoa hartzen du Plataforma eta/edo Zerbitzuak behar bezala erabiltzeko, eta ez dira inola ere erabiliko legez kontrako helburuetarako, ez eta delituzko helburuetarako edo Konpainiaren eta/edo hirugarrenen edozein motatako eskubideen aurka egin dezaketen helburuetarako ere, eta/edo legeak edo aplikatu beharreko lege-kodeko beste edozein arauk babesten dituen jabetza intelektual eta industrialeko eskubideak urratzeko.

14. Behartuta dago Plataformako Zerbitzuak eta/edo edukiak ez erabiltzeko legez kontrako helburu edo ondorioekin, Baldintzetan edo araudi aplikagarrian debekatutakoak, edo hirugarrenen eskubide eta interesei kalte egiten diezaieketenak, edo, edozein modutan, Plataformako edukiak, ekipo informatikoak edo dokumentuak, fitxategiak eta ekipo informatiko propioetan edo Konpainiak kontratatutakoetan gordetako edozein eduki kaltetu, baliogabetu, gainkargatu, hondatu edo erabilera eragotz dezaketenak, beste erabiltzaile batzuenak edo interneteko beste edozein erabiltzailerenak (hardwarea eta softwarea) Konpromisoa hartzen duzu ezagutzen duzun legez kanpoko eduki guztia jakinaraziko diozula Konpainiari.

15. Behartuta dago Plataforma erabiltzera, soil-soilik, plataformaren edukiak eskuratzeko eta/edo Zerbitzuak eskatzeko, informazio zehatza eskatzeko, kontsultak egiteko edo legez baliozkoak diren eskaerak egiteko edo Plataforman baimendutako beste edozein funtzio gauzatzeko.

16. Behartuta dago iruzurrezko eskaerarik edo eskaera faltsurik ez egitera. Horrelako eskaera bat egin dela susmatzeko arrazoiak badaude, Konpainiak baimena du eskaera ezeztatzeko eta dagokien agintaritzei jakinarazteko.

17. Plataformaren bidez Konpainiari emandako edozein motatako informazio guztiaren jabe esklusibo eta bakarra da, edo beharrezko eskubide, lizentzia, onarpen eta baimen guztiak ditu; ondorioz, bermatzen du ez direla hirugarrenen edozein izaeratako eskubideak urratuko eta ez dela aplikagarri den edozein legeri urratuko, hura eskura jartzean eta Baldintzetan adierazitakoaren arabera Konpainiak erabiltzen duenean.

18. Behartuta dago Erabiltzaile Erregistratuaren datuak eta kontua isilpean gordetzeko, pertsonalak eta besterenezinak baitira, eta ez dizkio hirugarrenei transmitituko; halaber, Konpainiari jakinarazi behar dio, berehala, norbaitek baimenik gabe eskuratu eta/edo erabili dituela uste badu.

19. Behartuta dago egiazko informazioa ematera, zehatza, eguneratua eta eskatzen den helburuetarako osoa, edozein motatakoa bada ere; horrek barne hartzen du indarrean dagoen legeria aplikagarriaren arabera datu pertsonaltzat jotzen dena.

20. Behartuta dago beste Erabiltzaile Erregistratu batzuen identitatea ez ordeztera eta/edo horien datuak ez erabiltzera.

21. Behartuta dago informazio edo eduki faltsu, anbiguo edo zehaztugabea ez txertatu, eman edo banatzera, baldin eta informazioaren hartzaileei akatsak eragiten badizkie.

22. Behartuta dago telekomunikazioen sekretuari eta Datu Pertsonalak Babesteko araudiari arau-hausteak dakarzkieten edo ekar diezazkieken ekintzarik eta omisiorik ez egitera.

23. Behartuta dago ez igortzera eskatu edo baimendu ez den publizitatea, publizitate-materiala, 'spam-a', 'kate-gutunak', 'piramide-eskemak' edo beste edozein eskaera-mota.

24. Behartuta dago ez banatzera, transmititzera edo hirugarrenen esku jartzera legez kanpoko edo bidegabeko publizitatea duen edozein informazio, elementu edo eduki.

25. Behartuta dago ez transmititzera, hedatzera edo hirugarrenen esku jartzera plataforman dagoen edozein motatako material, hala nola, eta zerrenda honetara mugatu gabe: informazioak, testuak, datuak, edukiak, mezuak, grafikoak, marrazkiak, soinu- eta/edo irudi-fitxategiak, argazkiak, grabazioak, softwareak, logotipoak, markak, ikonoak, teknologia, argazkiak, estekak, diseinu grafikoa eta iturburu-kodeak, edo plataformaren erabiltzaileak eskura dezakeen beste edozein material.

26. Onartzen du Plataforman sartzeak ez dakarrela inolako bermerik Plataformaren eta/edo Zerbitzuen egokitasunari dagokionez.

4. Hirugarrenen zerbitzuak

4.1. Zer dira hirugarrenen zerbitzuak?

Konpainiak Plataformaren Erabiltzaileei sarbide- eta erabilera-zerbitzua eskaintzen die, Plataformaren bidez, plataformaren edukiak (“Zerbitzua/k”) atzitzeko, Erabiltzaile Erregistratuek, beren lehentasunen arabera, hainbat hornitzaileren garraio-zerbitzuak (aurrerantzean, “Hirugarrenen Zerbitzuak”) erreserbatzeko eta kontratatzeko aukera izan dezaten.

Plataformaren bidez, Erabiltzaile Erregistratuek harremanetan jarri ahal izango dute Plataformaren bidez zerbitzuak eskaintzen dituzten hirugarrenekin, zuzenean edo zeharka, garraio-zerbitzuen bitartekotza digitalerako gaitutako hirugarren plataforma teknologikoek eskatuta.

Hirugarrenen Zerbitzuak emateko, Erabiltzaile Erregistratuaren eta Hirugarrenaren arteko akordioa ezinbestekoa da, baita Hirugarrenaren Zerbitzuko baldintzak betetzea ere. Konpainiak ez du akordio horretan parte hartuko edo hori gainbegiratuko, eta ez du parte hartuko edo gainbegiratuko Hirugarrenek Zerbitzuei aplikagarri zaizkien baldintza eta zehaztapenak betetzen dituzten; beraz, Erabiltzaile Erregistratuaren eta Hirugarrenaren arteko harremanetik eratorritako eskubide edo betebeharren erantzule ez da izango.

Plataformaren bidez eskaintzen diren Zerbitzuak Espainiako lurralde nazionaleko Autonomia Erkidego guztietan daude eskuragarri, dōcō-ren kide diren mugikortasun-konpainien eskuragarritasunaren arabera.

Hirugarrenei buruzko informazio gehiago kontsultatu nahi izanez gero, sakatu hemen.

4.2. Web orriaren bidez eskuragarri dauden Hirugarrenen Zerbitzuen eta aplikazio mugikorraren arteko aldeak

Dōcō-ra sartzeko erabiltzen duzun bitartekoaren arabera, Hirugarrenen Zerbitzu gehiago edo gutxiago eskuratu ahalko dituzu.

Dōcō-ra sartzeko gure aplikazio mugikorra erabiltzen baduzu, Hirugarrenen Zerbitzu guztietara sartu ahalko duzu. Hala ere, gure webgunearen bidez dōcō-ra sartzen bazara, ezingo dituzu freefloting zerbitzu hauek eskuratu:

• Cooltra

• Karhoo

• Movitaxi

• Bolt

• Bartzelonako Garraio Metropolitarra (TMB)

Alde horretatik, ezin izango duzu “Hurbileko zerbitzuen mapa” aukerara sartu, eta, beraz, ez da aplikatuko “Hurbileko zerbitzuen mapa” aukerari buruz Baldintza hauetan ezarritakoa, aplikazio mugikorraren bidez dōcō-ra sartzen zarenean.

5. Nola egin zerbitzu-eskaera

5.1. Kontratatzeko prozedura

Hirugarrenen edozein Zerbitzuren eskaera, erreserba, berrespena, segimendua eta ezeztapena plataformaren bidez egingo da, ondoren ezarritako prozedurari jarraituz.

5.1.1. Hirugarrenen Zerbitzuen eskaera

Erabiltzaile Erregistratuak Hirugarrenen Zerbitzuen eskaera bi bidetatik abiaraz dezake aplikazioan (aurrerantzean, “Zerbitzuen Eskaera”):

(a) Ibilbide-bilatzailea:

1. Erabiltzaile Eerregistratuak bilaketa egingo du; horretarako, egin nahi duen ibilbidearen jatorria, norakoa, data, ordua eta garraio-lehentasunak sartuko ditu.

2. Plataformak ibilbideen iradokizunak emango dizkio, iraupenaren, prezioaren eta aztarna ekologikoaren arabera ordenatuta.

3. Erabiltzaile Eerregistratuak bere beharretara hoberen egokitzen den garraiobidea hautatu beharko du.

(b) Gertuko zerbitzuen mapa: Plataformako “Zugandik gertu” atalean aurkituko duzu.

1. Erabiltzaile Erregistratuak Plataformako gertuko zerbitzuen mapan sartu behar du.

2. Erabiltzaile Erregistratuak bere beharretara egokitzen den gertuko Zerbitzuen mapan hautatu beharko du zerbitzua.

 

5.1.2. Hirugarrenen Zzerbitzuen Erreserba

Zerbitzuen Eskaera egin ondoren, Erabiltzaile Erregistratuak Zerbitzuen erreserba egin beharko du (aurrerantzean, “Hirugarrenen Zerbitzuen Eerreserba”); horretarako jarraitu beharreko prozedura ezberdina izango da, Zerbitzuen eskaera egiteko erabilitako bidearen arabera:

(a) Ibilbide-bilatzailea:

1. Erabiltzaile Erregistratuak Hirugarrenen Zerbitzu bakoitza konfiguratu beharko du (hala badagokio), eta, kasuan kasu, autoaren tipologia, tarifa, txartel-mota, osagarriak eta abar hautatu beharko ditu.

2. Erabiltzaile Erregistratuak datu izendunak sartu beharko ditu, billeteak erosteko beharrezkoa baldin bada.

3. Zerbitzuak Erreserbatzeko prozesuarekin jarraitu ahal izateko, Erabiltzaile Erregistratuak onartu egin beharko ditu Zerbitzuak emango dizkioten Hirugarrenen zehaztapenak eta baldintzak eta pribatutasun-politika (aurrerantzean, “Hirugarrenen Baldintzak”).

4. Erabiltzaile Erregistratuak Azken Prezioa eta Ordainbidea berretsi beharko ditu, eta Baldintza hauetako 6. atalean adierazitako moduan egingo du erosketa. Aurreko ordainketarik behar ez duten edo erabileraren araberako tarifa duten Zerbitzu planifikatuetan, Erabiltzaile Erregistratuak zerbitzuaren Azken Prezioa jasoko du ibilbide bakoitza amaitutakoan, Baldintza hauetako 6. atalean adierazitako moduan.

(b) Gertuko zerbitzuen mapa:

1. Erabiltzaile Erregistratuak Hirugarrenen Zerbitzuak jasotzeko Baldintzak onartzen ditu.

2. Erabiltzaile Erregistratuak lotutako tarifa berretsiko du, Ordainbidea berretsi edo erantsiko du, eta Baldintza hauetako 6. atalean adierazitako moduan onartuko du erosketa.

5.1.3. Hirugarrenen Zerbitzuen Berrespena

Hirugarrenen Zerbitzuen Erreserba egin ondoren, Hirugarrenen Zerbitzuen Erreserba berretsiko da. Plataformaren bidez, Zerbitzuen Erreserba berretsiko du: (i) Zerbitzuak Ordaindu badira, Baldintza hauetako 6. atalean adierazitako moduan, eta (ii) Hirugarrenak/ek Zerbitzuen erabilgarritasuna baieztatu badute. Halaber, Hirugarrenenak ez diren garraio zerbitzuetarako eskaerak programatuko ditu eta beharrezkoak diren garraio tituluak sortuko ditu.

Plataformaren bidez jakinarazpena bidalitakoan eta/edo Erabiltzaile Erregistratuak emandako helbidera mezu elektronikoa bidalitakoan, eskatutako zerbitzuak Plataformaren eskutik berretsitzat joko dira (aurrerantzean, “Zerbitzuen Berrespena”).

Orobat, prezio aldakorreko modalitateko zerbitzuak kontratatuz gero, zerbitzua bukatutakoan jakinaraziko da azken prezioa.

5.1.4. Hirugarrenen Zerbitzuen Jarraipena

Hirugarrenen Zerbitzuen Bberrespena jakinarazi ondoren, Erabiltzaile Erregistratuak kontratatutako zerbitzuen jarraipena egin ahal izango du plataformako “Nire Bbidaiak” atalean. Erabiltzaile Erregistratuak edozein unetan ikus ditzake ibilbideari buruzko informazioa eta denbora.

Zerbitzu bakoitzera sartu ahal izateko, sortutako garraio-tituluak edo Zerbitzuen Berrespenaren jakinarazpenean emandako informazioa erabili beharko ditu Erabiltzaile Erregistratuak.

5.1.5. Hirugarrenen Zerbitzuen Ezeztapena  Plataformaren bidez

Erabiltzaile Erregistratuak Zerbitzuak ezeztatu ahal izango ditu, horretarako aukera ematen badute, Zerbitzuak Erreserbatzeko unean onartutako Hirugarrenen Baldintzen arabera. Horretarako, Plataformako “Nire Bidaiak” atalera sartu beharko du, eta, ondoren, kontratatutako Zerbitzu bakoitzaren atal espezifikoa hautatu eta atal horretan ezeztatzeko adierazten diren urratsei jarraitu (aurrerantzean, “Erabiltzaile Erregistratuak Zerbitzuak Ezeztatzea”).

Erabiltzaileak Zerbitzuak Ezeztatzen baditu, horrek kostu jakin bat izan dezake. Mesedez, irakurri arretaz Baldintza hauetako 8. ataleko ezeztapen-politika.

5.1.6. Hirugarrenen zerbitzuenEskuraezintasuna, Aldaketak eta Deuseztapena

Zerbitzua erabilgarri ez badago eta/edo eskaera osorik edo zati bat ezeztatzen bada, Erabiltzaile Erregistratuari jakinaraziko zaio, Hirugarrenak Plataformari jakinarazi bezain laster eta ahalik eta lasterren.

Plataformari egotz dakizkiokeen arrazoiengatik eskaera osorik edo zati batean bertan behera uzten bada:

• Eskuragarri ez dauden Zerbitzuaren edo Zerbitzuen prezioa ahalik eta epe laburrenean itzuliko zaio Erabiltzaile Erregistratuari eta, gehienez ere, Zerbitzua erabilgarri ez dagoela jakinarazi eta 14 eguneko epean.

• Itzulketa egiteko, erabili zen ordainbide bera erabiliko da.

• Posta elektronikoz eta Plataformaren bidez Erabiltzaile Erregistratuarekin harremanetan jarriko gara, eskaera osorik edo zati batean bertan behera utzi dela jakinarazteko eta, hala badagokio, beste aukera batzuk eskaintzeko.

Konpainiak aldez aurretik jakinarazi gabe Plataforma itxi dezake, aldi baterako edo behin betiko. Kasu horretan, Konpainiak konpromisoa hartzen du Zerbitzuen Berrespena duten Zerbitzu-erreserbak kudeatzeko, baldin eta Plataforma aldi baterako edo behin betiko itxi aurretik jaso baditu. Plataforma aldi baterako edo zati batean ixten bada, horrek ez du inola ere ekarriko.

5.2. Hirugarrenen Zerbitzuen Eskaera, Erreserba eta Berrespenari buruzko Adierazpenak

Plataformaren Erabiltzaile Erregistratuak honako hau aintzatetsi eta onartuko du:

(i) Zerbitzu-eskaera baliozkotzen den unean Plataforman eskuragarri dauden Baldintzen bertsioaren menpe egongo da.

(ii) eskatutako Zerbitzuen arabera, Zerbitzuak Erreserbatzeko prozesuan, ezinbesteko baldintza da Zerbitzuak Erreserbatzeko prozesuarekin jarraitu ahal izateko, Zerbitzua emango dioten hirugarren guztien Hirugarrenen Baldintzak onartzea.

(iii) Erabiltzaile Erregistratuak Baldintzak eta Hirugarrenen Baldintzak onartzen baditu, horrek esan nahi du bidaiariak bi baldintzak onartzen dituela. Alde horretatik, bidaiaritzat hartuko da garraio-titulua duen eta/edo Plataformaren bidez kontratatutako ibilbidea egiten duen pertsona oro.

6. Hirugarrenen Zerbitzuen Prezioa eta Ordainketa

6.1. Hirugarrenen Zerbitzuen Prezioa

Hirugarrenek dituzten Zerbitzuen prezioak plataforman ezarritakoak izango dira, Zerbitzua hautatu eta erreserbatzen den bitartean. Prezio guztiek BEZa barne hartzen dute, eta Zerbitzuaren azken prezioa osatzen dute (aurrerantzean, “Azken Prezioa”).

Zerbitzuaren modalitatea dela eta, Azken Prezioa amaitzen denean bakarrik ezagutzen diren Zerbitzuetarako, Zerbitzuak Erreserbatzeko unean Zerbitzu mota horiei aplikatzen zaien tarifaren berri emango zaio.

Prezioak edozein unetan alda daitezke, Zerbitzuak hautatu eta erreserbatzen diren bitartean. Zerbitzua berretsi denean, ezin izanen da aldaketarik egin adierazitako prezioan.

Kontratatu nahi dituzun Zerbitzu guztiak hautatu ondoren, zerbitzu horiek saskian sartuko dira, eta erosketa tramitatu eta ordainketa egin beharko duzu. Horretarako, erosketa-prozesuaren urratsei jarraitu beharko diezu, eta urrats bakoitzean eskatzen zaizun informazioa bete edo egiaztatu. Halaber, erosketa prozesuan, ordainketa egin aurretik, erosketaren datuak aldatu ahal izango dituzu. Gainera, “Nire Bidaiak”” atalean egindako eskaera guztien xehetasunak dituzu.

6.2. Zerbitzuen ordainketa

Plataformak Hirugarrenen izenean eta horien kontura Erabiltzaile Erregistratuari Zerbitzuak kobratuko dizkio Plataformaren bidez. Beraz, Erabiltzaile Erregistratuak zuzenean Hirugarrenari egiten dion ordainketatzat hartuko da Zerbitzuen ordainketa.

Prezio finkoko Zerbitzuen ordainketa Zerbitzuak Berrestean egingo da, Baldintza hauetako 5.1.3 atalean adierazitakoaren arabera. Prezio aldakorreko Zerbitzuetan, zerbitzua amaitutakoan ordainduko da.

Erabiltzaile erregistratuak zordunketa- eta kreditu-txartelak (VISA eta MasterCard, besteak beste) (aurrerantzean, "Ordainbidea") erabil ditzake ordaintzeko.

“Ordaindu” botoian klik egiten duzunean, prezioaren onarpena eta ordainketa berresten ari zara.

Zerbitzuaren erreserba eta/edo exekuzioa eten eta/edo bertan behera utzi ahal izango da, edozein dela ere haren izaera eta maila, baldin eta (i) erabiltzaileak zor duen zenbateko osoa ordaintzen ez badu edo soilik zati bat ordaintzen badu, (ii) ordainketan gorabeheraren bat gertatzen bada, edo iruzurra edo iruzurra-saiakera gertatzen bada Plataformaren erabileran.

Ordainketa baieztatzean baino ez da behin betikoa izango Zerbitzuaren ordainketa. Argitu beharra dago, banku-txartel bidezko ordainketak zordunketa-baimenaren eskaera sistematikoa abiarazten duela, eta, edozein arrazoi dela ere, hori errefusatzen bada, eskaera hori bertan behera uztea dakarrela (aurrerantzean, “Zerbitzuen Ordainketa”). Erabiltzaileak horren guztiaren jakinarazpena jasoko du.

Baimenik gabeko sarreraren arriskua murrizteko, kreditu-txartelaren datuak kodetuko dira. Plataformak SSL enkriptatzearen bidezko segurtasun-sistema du ezarrita, ordainbideekin lotutako datu guztiak ahalik eta hoberen babesteko. Kreditu-txartelak jaulki dituzten erakundeek egiaztatuko eta baimenduko dituzte, baina erakunde horrek ordainketa baimentzen ez badu, ez dugu atzerapenengatik edo entrega ezengatik erantzukizunik izango, eta ezingo dugu zurekin kontraturik sinatu.

Deskontu-bonuen bidez adostutako sustapenak baliozkoak izango dira pertsona batek egindako eskaera baterako eta adostutako balio-epean, eta ezin izango dira metatu beste sustapen-eskaintza batzuekin.

7. Balio Erantsiaren Gaineko Zerga eta Fakturazioa

Balio erantsiaren gaineko zergari buruzko abenduaren 28ko 37/1992 Legearen 69. artikuluan ezarritakoaren arabera, zerbitzuak Espainiako BEZaren aplikazio lurraldean eman direla joko da. Aplikatu beharreko BEZ tasa une bakoitzean legez indarrean dagoena izanen da, dagokion artikulu zehatzaren arabera.

Plataformaren bidez, erosketa egin duten Erabiltzaile Erregistratuek erosketa dinamikoaren laburpena sortzeko aukera izango dute; horretan, kontratatutako ibilbide bakoitzaren xehetasunak ikusi ahalko dituzte, eta automatikoki eguneratuko da zerbitzuak ordaindu edo kontsumitu ahala, modalitatearen arabera (aurrez ordaintzekoa edo ondoren ordaintzekoa).

Erosketaren laburpenaren barruan, erabiltzaileak egindako ibilbide bakoitzera sartu ahal izango duelarik, bidaiaren xehetasunak aurkitu ditu. Adibidez, garraio mota, eguna, ordua eta prezioa kontsulta ditzake, besteak beste, modalitatearen arabera. Laburpen horren ondoan, "Faktura eskatu/deskargatu" botoia agertuko da. Aukera horren bidez, Hirugarrenak jaulkitako faktura sinplifikatua deskarga dezake erabiltzaileak.

8. Ezeztapen-Politika

8.1. Hirugarrenaren Ezeztapenak

Plataformak ez du erantzukizunik hartuko Hirugarrenek Zerbitzuak ezeztatzen dituztenean. Erabiltzaile Erregistratuak Hirugarren batekin Zerbitzuak Erreserbatzeko unean Baldintza eta Zehaztapenak onartu zituelarik, horien mende egongo da, eta, ondorioz, Zerbitzua kontratatu zuen Hirugarren bakoitzaren ezeztapen-politikaren mende ere bai.

Azken Prezioa edo horren zati bat itzultzeko eskubidea badu, HirugarrenenTerminoetan ezarritakoaren arabera itzuliko da. Plataformak ez du inolako erantzukizunik izango Zerbitzuen zenbaketaren itzulketan, Hirugarrenei aplika dakizkiekeen arrazoiengatik Zerbitzuak ezeztatzen direnean.

8.2 Erabiltzaile Erregistratuak erabakitako Ezeztapenak

Erabiltzaile Erregistratuak Zerbitzuak ezezta ditzake, Baldintza hauetako 5.1.5. atalean ezarritako prozedurari jarraituz.

Erabiltzaile Erregistratuak Zerbitzuak Ezeztatzeko, kontratatutako Zerbitzuko Hirugarrenaren Baldintzak bete beharko ditu, Erabiltzaile Erregistratuak Baldintza horiek onartu baitzituen Zerbitzua Eerreserbatzeko prozesuan.

Ezeztapenek kostua izan dezakete, Hirugarrenaren Baldintzen arabera. Zerbitzuak Erreserbatzeko erabili zen ordainbide bera erabiliz kargatuko da ezeztapenaren kostua. Azken Prezioa edo horren zati bat itzultzeko eskubidea badu, Hirugarrenen Terminoetan ezarritakoaren arabera itzuliko da. Plataformak ez du inolako erantzukizunik izango Zerbitzuen zenbaketaren itzulketan, Erabiltzaile Erregistratuak Zerbitzuak Ezeztatzen dituenean.

9. Bezeroarentzako Arreta

Plataformak bezeroentzako arreta-zerbitzu propioa dauka (aurrerantzean, “Bezeroarentzako Arreta-zerbitzua”), eta Plataformaren Erabiltzaileek zerbitzu horretara sartzeko aukera izango dute. Hona hemen zerbitzu horrek dituen funtzionalitateak:

1. Plataformaren Erabiltzaileen gorabeheren, kontsulten eta erreklamazioen kudeaketa zentralizatzea.

2. Kudeatu gorabeherak, kontsultak eta erreklamazioak bide hauen bidez: formularioa, txata (zuzenean agentearekin edo chatbot-arekin) edo telefonoa.

3. Baimendu ohiko galderak kontsultatzea, xede horretarako gaitutako atalean.

4. Hirugarrenen Zerbitzuekin zerikusia duten gorabeherak Hirugarrenei bideratzea.

Plataformako “Laguntza zentroaren” bidez, Bezeroarentzako Arreta-zerbitzura sartu ahal izango du, 3 kanalen bidez:

1. “Ohiko galderak”: kanal horren bidez, Plataformarekin lotutako zalantza nagusien erantzunak aurkituko ditu.

2. “Bidali kontsulta”: kanal honen bidez, formulario bat betez, kontsulta egin ahal izango du,eta posta elektronikoz jasoko du erantzuna.

2. “Txateatu gurekin”: kanal honen bidez, edozein kontsulta egin ahal izango dio laguntzaile birtualari, eta horrek kontsultari automatikoki erantzungo du. Kontsulta ebazten ez badu, laguntzaile birtualak, kontsultaren arabera, txatetik bertatik hauetariko batera zuzenean bideratuko du: (i) zuzeneko txatera, gure agente batekin, (ii) formularioa betetzera, (iii) gure agenteen telefono-zenbakira; (iv) Halaber, gure sare sozialen bidez dōcō-ren Bezeroaren Arretarako Zerbitzura sartu ahal izango zara, sare horietako kanalen bidez edozein gorabehera, kontsulta edo erreklamazio bidaltzen diguzunean. Kontsulta jaso ondoren, Plataforma erabiltzailearekin harremanetan jarriko da, Plataforman erregistratutako erabiltzailea den ala ez egiaztatuko du, eta kontsultaren sarrera-kanal beraren bidez erantzungo du. Orobat, kontsultari erantzuteko eta ebazpena emateko behar den informazioa eskatuko du, besteak beste:

   • Helbide elektronikoa;
   • Izena;
   • Abizena;
   • Harremanetarako telefonoa, zurekin harremanetan jarri behar badugu; eta
   • Kontsultari buruzko xehetasun gehiago.

    

Konpainiak edozein gorabehera, kontsulta edo erreklamaziori ahalik eta lasterren erantzungo dio, gehienez ere hilabete bateko epean, jasotzen duenetik zenbatzen hasita.

Hirugarren batek emandako Zerbitzuarekin zerikusia duen edozein kontsulta egin edo gorabeheraren bat ebatzi nahi izanez gero, Hirugarrenaren harremanetarako kanalera sartzeko behar den informazioa emango zaio Plataformaren bidez, baldin eta, besteak beste, Plataformak zuzenean ebatzi ezin badu. Zerbitzuarekin zerikusia duten gorabehera, kexa eta erreklamazioen ebazpena zerbitzua eman zuen Hirugarrenaren erantzukizun bakar eta esklusiboa izanen da, eta, beraz, kontratu horretatik kanpoko hirugarren bat baino ez da izanen Plataforma. Gorabehera, kexa eta erreklamazioen ebazpena kudeatzeko Plataformak parte hartzen badu, Plataformaren Erabiltzailearen esperientzia hobetzeko bakarrik egingo du. Ez du inolaz ere kontratuzko erantzukizunik hartuko. Informazio hori “Bidali kontsulta bat” edo “Txateatu gurekin” ataletatik eskatu ahal izango duzu zerbitzua hasi ondoren, edo, bestela, Zerbitzua hasi baino egun batzuk lehenago. Informazio hori “Nire Bidaiak” atalean izango duzu. Konpainiak ez du bere gain hartuko Hirugarrenen atzerapen edo erantzunik eza, Hirugarrenen Zerbitzuekin zerikusia duten erabiltzaileen gorabehera, kontsulta edo erreklamazioei dagokienez. Halaber, Hirugarrenen Zerbitzuei buruz emandako informazioa Hirugarrenek Plataformari ematen dioten informazioa izango da. Plataforma datuen ostalari soila baino ez da, eta, beraz, Erabiltzaile Erregistratuak onartzen du informazio horrekin desadostasunik, inkoherentziarik edo gorabeherarik izanez gero, Hirugarrenari soilik egotz dakiokeela.

10. Bermerik Eza

Konpainiak uko egiten dio Baldintzetan espresuki edo inplizituki adierazi ez den adierazpen eta berme orori, honako hauek barne: (i) helburu jakin baterako egokitasun-berme inplizituak; (ii) zerbitzuen fidagarritasun-, puntualtasun-, kalitate-, egokitasun- edo erabilgarritasun-bermeak; eta, (iii) hirugarrenen kalitate-, egokitasun-, segurtasun- edo trebetasun-bermeak.

11. Erantzukizuna

Konpainia ez da izango edozein izaeratako kalteen erantzule (besteak beste, lortu gabeko irabazia, datu-galera, lesio pertsonala edo jabetzari eragindako kaltea), baldin eta kalte eta galera horiek zuzenean edo zeharka honako hauen ondorio badira edo honako hauekin lotuta badaude: (i) Plataformaren Erabiltzaileekin eta Hirugarrenekin eta Plataformaren erabiltzaileen artean ezarritako edozein izaeratako harreman juridikoak; (ii) Hirugarrenek Zerbitzuak ez ematea, edo oker ematea; (iii) Plataformaren bidez Erabiltzaileek eta/edo Hirugarrenek egindako edozein izaeratako jarduerak, baldin eta horietatik edozein izaeratako kalteak eratortzen badira Plataformaren gainerako Erabiltzaileengan eta/edo Hirugarrenengan; (iv) Hirugarrenek zehaztutako Zerbitzuei buruzko publizitate-, marketin- edo komunikazio-jarduera oro, euskarria edozein bada ere; (v) Hirugarrenek Zerbitzuak emateko erabiltzen dituzten edozein motatako bitarteko pertsonal eta materialen eskasia, inperfekzioa edo ezgaitasuna; (vi) Plataformako Erabiltzaileek Plataformara eta/edo Zerbitzuetara sartzeko erabiltzen dituzten edozein motatako bitarteko pertsonal eta materialen eskasia, inperfekzioa edo ezgaitasuna; (vii) Hirugarrenek egindako Datu Pertsonalen tratamenduak; (viii) Hirugarrenek Erabiltzaile Erregistratuei buruzko informazioaren erabilera okerra eta horretatik erator daitezkeen ondorioak, bereziki, informazio horretatik abiatuta har daitezkeen erabakiak eta has daitezkeen ekintzak; (ix) ezinbesteko arrazoiengatik Plataformaren erabilgarritasunik eza eta/edo Zerbitzuetara sartzeko aukerarik eza, Hirugarrenen eta/edo Plataformaren Erabiltzaileen kontrolpeko elementuen akatsengatik; (x) Plataformaren edozein edukiren egiazkotasun falta, zehaztasunik eza edo akatsa, Hirugarrenen eta/edo Plataformaren Erabiltzaileen titulartasunekoak eta/edo erantzukizunekoak badira.

Baldintza hauetan espresuki bestelakorik adierazten ez bada, Plataformara sartzeari eta Plataforma erabiltzeari dagokionez edo horietatik eratorritakoari dagokionez, Konpainiaren edozein izaeratako erantzukizuna Plataformaren titular eta administratzaile den aldetik legez dagokiona baino ez da izango, Plataformaren kudeaketa, administrazio, kontrol, funtzionamendu eta erabilgarritasun oso eta/edo partzialaren ondoriozkoa.

Horretarako, Konpainiak betebehar hauek izango ditu:

1. Plataformaren kudeaketa eta funtzionamendurako bere jarduketa esparruan dauden berezko lanak arduraz egitea.

2. Bere jarduera- eta erantzukizun-eremuan dauden elementuak ezarri eta mantentzea, baldin eta horiek beharrezkoak badira Plataformaren Erabiltzaileak sartu, erregistratu, erabili eta baja eman ahal izateko.

3. Plataformako Erabiltzaileen erregistro zuzena baliozkotzea eta Erabiltzaile Erregistratuen erregistro eguneratua mantentzea.

4. Plataformaren funtzionamendu egokia kudeatzea, bai eta Erabiltzaileen eta Erabiltzaile Erregistratuen euskarri tekniko eta funtzionala ere.

5. Plataformaren erabilgarritasunaren eta kalitatearen ardura hartzea.

12. Jabetza Industriala eta Intelektuala

Plataforma osoaren gaineko jabetza industrial edo intelektualeko eskubideak, eta bere aldetik hartutako osagai bakoitzaren gaineko eskubideak (datuak, testuak, irudiak eta animazioak, logotipoak, soinuak, grafikoak eta fitxategiak dituzten programa eta garapen eta eduki espezifikoak barne), Konpainiaren edo erabiltzeko lizentzia edo eskubidea jaso duten hirugarrenen jabetzakoak dira. Debekatuta dago Plataforma edo Plataformako edozein zati osorik edo zati batean erakustea, Konpainiaren berariazko baimenik gabe; beraz, horrelakorik egitea arau-haustetzat jo daiteke.

Plataforma honetan agertzen diren markak eta bestelako ikur bereizgarriak Konpainiaren edo hirugarrenen marka erregistratuak dira. Debekatuta dago ikur bereizgarriak erreproduzitzea, imitatzea edo erabiltzea, osorik edo zati batean, ageriko baimenik gabe.

Plataforman dagoen informazioa baimenik gabe erabiltzeak eta jabetza intelektual edo industrialeko eskubideak urratzeak legez ezarritako erantzukizunak ekarriko ditu.

13. Datuen babesa

Europako Parlamentuaren eta Kontseiluaren 2016ko apirilaren 27ko 2016/679 (EB) Erregelamenduan xedatutakoaren arabera, datu pertsonalen prozesamenduari eta horien zirkulazio askeari dagokienez pertsona fisikoak babesteari buruzkoa, Plataformara sartzean eta hura erabiltzean ematen diren datu pertsonal guztiak dōcō-ren Pribatutasun-politiketan, aplikazioaren pribatutasun politika eta dōcō-ren Cookie-politikan xedatuta.

14. Plataformaren Erabilgarritasuna, Edukia, Birusak, Pirateria eta Bestelako Eraso Informatikoak

Konpainiak konpromisoa hartzen du ahalik eta ahalegin handienak egiteko, Plataformaren erabiltzaileei edozein unetan plataformarako irisgarritasuna bermatzeko. Hala ere, konpainiak ez du erantzukizunik izango Plataforma eskura ez badago, arrazoiak bere kontroletik kanpo badaude.

Plataformaren Erabiltzaileak onartzen du Plataformara eta Zerbitzuetara sartzeko eta haiek erabiltzeko beharrezko ezagutza eta bitartekoak dituela. Halaber, egiaztatzen du erabilitako konfigurazio informatikoak birusik ez duela eta funtzionamendu-egoera ezin hobea duela.

Konpainiak ezin du bermatu hirugarrenek Plataforman argitaratu duten informazioa zehatza eta osoa denik, ez eta funtzionamendu egokia eta segurtasun informatiko osoa ere.

Konpainiak ahaleginak egingo ditu Plataformaren Erabiltzaileei informazioa eta tresna eskuragarri eta egiaztatuak eskaintzeko, baina ez da erantzule izango Plataforman akatsak badaude, informazioa eskuragarri ez badago eta/edo birusik edo bestelako infekzio logikorik baldin badago.

Plataformaren Erabiltzaileak onartu egiten du Plataforman dauden informazioak eta tresnak bere ardurapean erabiliko dituela. Konpainiak emandako informazioak orientagarriak baino ez dira. Konpainiak ez du bermatzen Plataforman zabaldutako hirugarrenen informazioa zehatza denik edo eguneratuta dagoenik.

Plataformaren Erabiltzaileak ez du Plataforma modu desegokian erabiliko birusak, troiarrak, harrak, bonba logikoak edo teknologia aldetik kaltegarria den beste edozein programa edo material sartzeko. Halaber, ez da saiatuko baimenik gabe sartzen Plataforman, plataforma dagoen zerbitzarian edo Plataformarekin zerikusia duen edozein zerbitzari, ordenagailu edo datu-basetan. Plataformaren Erabiltzaileak konpromisoa hartzen du Plataformari ez erasotzeko, zerbitzuaren ukapen-eraso baten bidez nahiz zerbitzu banatuaren ukapen-eraso baten bidez.

Klausula hau betetzen ez bada, baliteke araudi aplikagarrian tipifikatutako arau-hausteak egitea. Araudi horren aurka jokatzen bada, agintaritza eskudunei horren berri emango diegu eta haiekin lankidetzan arituko gara erasotzailea nor den jakiteko. Halaber, klausula hau urratzen bada, Plataforma erabiltzeko baimena galduko du berehala.

Ez dugu erantzukizunik izango zerbitzuaren ukapen-eraso baten, birus baten edo teknologia aldetik kaltegarria den beste edozein programa edo materialaren ondoriozko kalteengatik erabiltzailearen ordenagailu, terminal, mugikor, ekipo informatiko, datu edo materialetan, Plataformaren erabileraren ondoriozkoak, edo plataformaren edukiak deskargatzearen ondoriozkoak edo plataformak birbideratzen duen edukien ondoriozkoak badira.

15. Plataformatik Gune Estekatuak

Plataformak Erabiltzailearen eskura jarriko ditu estekadun gailu teknikoak eta bilaketa-tresnak, Hirugarrenen eta beste erakunde batzuen jabetzako eta ardurapeko webguneetara, Pplataformetara (garraio-zerbitzuen bitartekotza digitalerako gaitutako hirugarren plataforma teknologikoak barne) eta aplikazioetara sartzeko (“Gune Estekatuak”).

Plataformaren Erabiltzaileak ulertzen eta onartzen du Gune Estekatuen erabilera eta horietara sartzea bere arrisku eta erantzukizunaren pean egingo duela; Konpainia edozein erantzukizunetik salbuetsita dago Gune Estekatuen eskuragarritasun teknikoari eta zerbitzuen, informazioen, elementuen eta/edo edukien kalitateari, fidagarritasunari, zehaztasunari eta/edo egiazkotasunari dagokienez, zeinetara Plataformaren Erabiltzailea sar daitekeen, gune horietan eta Gune Estekatuetan dauden bilaketa-direktorioetan. Informazioaren Gizartearen Zerbitzuen arloan indarrean dagoen araudiak adierazitako mugapenekin, Konpainia ez da izango edozein izaeratako kalte-galeren erantzule, ez zeharka, ez subsidiarioki, kalte-galera horiek honako hauetatik eratorritakoak badira: a) Gune Rstekatuen eta/edo eskura dauden bilaketa-direktorioen funtzionamendua, erabilgarritasun falta, irisgarritasun eza eta jarraitutasun falta; b) Gune Estekatuetako edukien eta zerbitzuen mantentze eta eguneratze falta; c) Gune Estekatuetako eduki eta zerbitzuen kalitate, zehaztasun, zilegitasun eta erabilgarritasun falta.

16. Idatzizko Komunikaziok

Araudi aplikagarriaren arabera, bidaltzen dugun informazioaren edo komunikazioen zati batek idatzizkoa izan behar du. Plataforma erabiliz, Plataformaren Erabiltzaileak onartzen du Konpainiaren komunikazioak elektronikoak izatea. Zurekin harremanetan jarriko gara posta elektronikoaren bidez, SMS bidez edo komunikazio telematikoko edozein bideren bidez, edo Plataforman informazioa oharrak jarriko ditugu.

Kontratu ondorioetarako, baimena ematen duzu komunikabide elektroniko hori erabiltzeko, eta aitortzen duzu elektronikoki bidaltzen dizkizugun kontratu, jakinarazpen, informazio eta gainerako komunikazio guztiek idatziz jasotzeko legezko baldintzak betetzen dituztela. Baldintza horrek ez du eraginik izango legez aitortutako eskubideetan.

17. Gure Kontroletik Kanpoko Gertaerak

Konpainiak ez du erantzukizunik izango betebeharren bat ez betetzeagatik edo horretan atzeratzeagatik, baldin eta gure arrazoizko kontroletik kanpo dauden gertaeren ondorio bada ("Ezinbesteko Kasua").

Ezinbesteko Kasuek barne hartuko dute gure arrazoizko kontroletik kanpo dagoen egintza, gertaera, ez egite, omisio edo istripu oro, eta, besteak beste, honako hauek:

1. Grebak, ugazaben itxierak edo bestelako errebindikazio neurriak.

2. Konmozio zibila, matxinada, inbasioa, mehatxu edo eraso terrorista, gerra (deklaratua ala ez) edo gerra mehatxua edo prestaketa.

3. Sutea, leherketa, ekaitza, uholdea, lurrikara, hondoratzea, epidemia edo beste edozein hondamendi natural.

4. Trenak, itsasontziak, hegazkinak, motordun garraioak edo bestelako garraiobideak, publikoak zein pribatuak, erabiltzeko ezintasuna.

5. Telekomunikazio-sistema publiko edo pribatuak erabiltzeko ezintasuna.

6. Edozein gobernu edo agintaritza publikoren egintzak, dekretuak, legedia, araudia edo murrizketak.

Ezinbesteko Kasuak irauten duen bitartean betebeharrak etenak egongo dira, eta betebehar horiek betetzeko epea luzatu egingo da, Ezinbesteko Kasuak iraun duen epe berean. Arrazoizko bitarteko guztiak jarriko ditugu ezinbesteko kasua amaitzeko edo, nahiz eta ezinbesteko kasua izan, gure betebeharrak betetzea ahalbidetuko digun konponbidea aurkitzeko.

18. Legeria Aplikagarria eta Jurisdikzioa

Plataformara eta Zerbitzuetara sarbidea eta horiek erabiltzea Espainiako legeriak arautuko ditu. Plataformaren erabilerarekin zerikusia duen edozein eztabaida Espainiako epaitegi eta auzitegien jurisdikzioaren mende egonen da. Kontsumitzaile zarela kontratatzen ari bazara, klausula honetan ezerk ez die eragingo indarrean dagoen legeriak ematen dizkizun eskubideei.